RENTALIMO -LIMUSINESERVIS

PROFESSIONELLI SCHOFFÖRE

HENNE KUULI CHLÄPF

RENTALIMO isch i jedere grössre Stadt parat für Öich. O z'Züri oder z'Gänf. Wälet eifach das Outo us wo nech am beschte gfaut.

chli gschäfte

RENTALIMO-Business: Wälet us üsere Uswau die günschtigi Bisness-Klass oder weder meh sit buechet dr ä Vän u wes de gedige söu si de nämet  eine usder Förscht Klass. Obe nuse gits de no dLuxus-Variantene. Da gheieter um! Die Outo fingeter bi jedere RENTALIMO-Schtation.

RENTALIMO fahrt Bänz!

mir hürate

RENTALIMO-Hochzyt: Für öies Hochzyt heimer ä riise Uswau a Outo. Göt chli ga schnöigge u lueget was nech gfaut. Ganz gediege imene Luxus-Chlapf, oder chli usgflippet ire Stretsch-Limusine. Lieber ä coole Oldtäimer wie näs Londen-Taxi, ä Cäddy oder Rolls? Uswau gits gnue!

u hinech?

RENTALIMO-Freizyt: Weiter hinech zSou uselah? Ab i dNacht u när gibim. Mit üs chunnsch luschtig häre u sicher zrugg. Gniess Di Abe mit aune Fründinne u Fründe (Tschender-korrekt!) Mir hei die länge Stretsch für 8, 12 u bis zu 16 Lüt Platz dinne. U süsch heimer o no günschtigi Bössli  für bis zu 16 Lüt.

wott säuber!

RENTALIMO-Säuber fahre däich: He nu su de, wet säuber wosch - de tuesch haut. Äs paar Outo chasch bi üs zum säuber gniesse miete.

Ä sibenesächzger Mustang oder äs Chäfer Cabrio u no ä länge Ladigagg - äh Gadilagg - kuul he? Chasch aber o ne Bänz bi üs miete. Hesch de Sorg - gäu!


Da gseter äs paar vo üsne Chunde womer scho sit henne langer Zyt zäme bügle

Mir sy parat we Dir's o syt
 
BASU

BÄRN
DAVOS

GSCHTAAD

LOSANN

LUZÄRN
GÄNF
ZÜRI
 
Mir fahre ir ganze Schwiz u de umligende Länder!

Mir fahre nech o gärn vo oder nach Dütschland, Frankrich, Italie, Öschtrich u vo üs us o gärn no wiiter

RENTALIMO is a member of the Limousine Association Switzerland!

contact us: 

RENTALIMO Switzerland

PHONE: +41 31 318 38 38

ADDRESS: Lindenweid 3, CH-3045 Meikirch